«Гамма-каскад» ірі қалқанды қалыптары

Сызықты қалқан.

Ғимараттың қабырғасының тікелей бөлшектерін құюға тамаша келеді. Қалқан қалыңдығы 3,5 мм профильден дәнекерленген болатн каркасқа бекітілген 18-миллиметрлік ламинатты фанерадан жасалған. Рамасына қатайтқыштар қосымша  беріктік береді. Фанераның қырлары ГОСТ 3916.1-96 талаптарына сәйкес келетін арнайы жабынмен өңделген, ол қырларды судың әсерінен қорғайды. Қалқандардың ені 300 мм-ден 1200 мм-ге дейін болуы мүмкін, олардың биіктіктері 3,3 м, 3,0 м немесе 1,5 м болады.

Шарнирлі қалқан.

75°-тан 135°-қа дейінгі бұрыштарды (ішкі және сыртқы) құруға қолданылады. Негізінде, шарнирлі қалқанның жақтарының өлшемдері 300х300 мм және 500х500 мм болады, алайда тапсырушының талабы бойынша қалқандардың өлшемдері өзгертілуі мүмкін. Қалқан дәнекерленген металл каркасқа бекітілген  ламинатты фанерадан жасалған.  

Ішкі бұрыш.

Ішкі бұрыш ғимараттың қабырғаларының ішкі бұрыштарын құруға тамаша келеді.  Негізінде, бұрыштың жақтарының өлшемдері  300х300 мм болу керек, алайда қажет кезінде өзгертілуі мүмкін. Сол сияқты, тапсырушының талабы бойынша бұрыштың жақтарында әмбебап қалқандағыдай саңылаулар мен ойықтар жасалуы мүмкін. Ішкі бұрыш дәнекерленген металл каркасқа бекітілген  ламинатты фанерадан жасалған.  

Доға құрайтын элемент.

Доға құрайтын элемент дәнекерленген металл құрылғысына бекітілген болат беттен жиналған, ол қабырғаның дөңгелек жекеше бөліктерін құюға тамаша келеді.  Доға құрайтын элементтің стандарт ені 300 мм немесе 350 мм құрайды. 

«Гамма» әмбебап мырышталған құлыбы.

«Гамма» құлыбы – әмбебап құлып, ол жұмыстар жүргізу кезінде қалыптың қалқандарын біріктіруге арналған. Көбірек сақталу мен пайдалану ыңғайлылығы үшін құлып мырышталған. Құлыптың өлшемдері жұмыс кезінде ені 100 мм дейінгі қосымша  ендірмені пайдалануға мүмкіндік береді. 

Тарту жинағы.

Болат тарту қалыптардың қалқандарын құрастыру кезінде біріктіруге қолданылады. Бетондау аяқталған соң қалыптарды бұзу кезінде тартулар алынады. Тарту гайкалары бар  диаметрі 17 мм винттен тұрады. 

Мінбелер кронштейні.

Мінбелерді құрастыру кронштейні бетон жұмыстары жүргізілетін алаңшаларды орнату кезінде қолданылады. Кронштейннің  консольдерінің ұзындығы 1 м құрайды. Болат құбырлардан жасалады. Қоршау тіректерімен жабдықталған.

Екі  деңгейлі тіректер.

Екі деңгейлі тіректер – тіреу табаны мен винттері бар муфталардан тұратын арнайы құрылғы, ол қалыптардың вертикаль қалқандарын қажет кезінде тегістеп отыруға арналған. 

Кран ұстағышы.

Кран ұстағышы – бұл қалыптардың қалқанының рамасын оны кранмен тасымалдау кезінде тиімді ұстап тұратын  тез шешілетін механизм. 1,25 т дейінгі салмаққа арналған. 

Жоғары сапалы қатты профиль тұйық қималы 3,5 мм болаттан жасалған, қолданудың ұзақ мерзіміне, дұрыс өлшемдері және қалып қалқанының барлық құрылымының максимальды қаттылығына кепілдік береді. 

«Гамма» құлыбы әмбебап «ушеуі бірде». Ол қалқандарды сенімді ұстап тұрады және ені 100 мм дейінгі қосымша кірістіргішті қолдануға мүмкіндік  береді. Сол сияқты сыртқы бұрыш пен тегістегіштерді қолданбауға мүмкіндік береді. 

Қалыптардың құрылымы   қажет болған жағдайда тартуға арналған саңылауды тез және тиімді тазартуға мүмкіндік береді. Құрылым 90кН/м-ге дейінгі қысымға төтеп бере алады. Бетондау жылдамдығы кез келген болуы мүмкін.

«Гамма» қалыбы PERI қалыбымен бірге пайдаланылуы мүмкін. Қалыптардың қалқандары жағымды сыртқы түрі және  жүз пайызды фосфотация мен ұнтақтық бояудың арқасында коррозияға төзімді болып келеді.